《东张》再次狙击大妈献唱,发现「忠粉」伯伯打赏盲撑!

主机联盟 764浏览 85
TVB《东张西望》自转向报导比较多社会议题后,已经先后访问过喺唔同公园唱歌嘅大妈、大叔,每次嘅访问对答都几精彩,令一众大妈、大叔口哑哑! 寻晚播出嘅一集,摄製队再次去到屯门公园,喺部份歌舞摊位前测量音量,发现已经超过100分贝,但现场又未有工作人员出言劝阻呢!而主持又有访问居住于附近屋邨20楼嘅居民,表示自己点样都会听到。主持测量后发现有75至80分贝,已经属于耳朵可承受嘅舒适度上限!主持林希灵其后就访问公园嘅伯伯,先问佢「呢度多唔多人畀利是?」然后再问对方以前会畀几多钱作打赏,伯伯就透露自己曾经畀过$500,只係专畀其中一位,其他嘅就一分钱都唔会畀(果然係忠粉啊!) 广告 伯伯都表示依家仍然有畀$500,但主持问佢係唔係日日都会「打赏」嘅时候,佢就轻轻点头,同时「大爆」表演者喺附近有一个单位,当中「差唔多有一半都係佢」(即係对方都係靠唔少打赏维生) 其实经常都话要限制製造噪音嘅广场大妈、大叔,除咗修例外,有份「打赏」嘅观众无疑令到一众表演者更为座大,变得无法无天!大家要听歌(或者欣赏大妈嘅演出),都係安份去合适嘅场地啦!Ref: TVB